Psa 61 | KYG | STEP | O Gotiyo, hu'na, Alopa gefati'mo ge nehuvanagi afiyo. Nunumu nehuva ge'nie'mo kagesa afifi huka maiyo.

Psalms 61

Goti'a alino fala kino latesiya kavafe'mo ava gemae

1 O Gotiyo, hu'na, Alopa gefati'mo ge nehuvanagi afiyo. Nunumu nehuva ge'nie'mo kagesa afifi huka maiyo. 2 Ma mopamo atupalegati'mo kagaefe'mo ge huguve. Lusi kana ya'mo alisugeno aino nati kaesiya afina'mo navalelika haika yafate'mo faika nato. Nagaemo afepi'mo mai'novanagi navalelika haika anaga hane'niya yafate'mo faika nato.

3 Kagaemo fala ki'na mai'nova nokana huka mai'nekae'mo alagepa huka yagaika nate'nane. Kagaemo yatala no'mo lokiya nokana huka mai'nanage'nae'mo kame vaya'nimo apatale'na hai'na alagepa hu'na mai'nove. 4 Nagaemo alagepa seli nokafi'mo muki afina'mo maige maige hu'na maiguve. Naha maegane, hute'na u'na kahakufi'mo fala kiguve.

5 O Gotiyo, hu'na, ma kava huguve, hu'na kaha pai'nova ge'nimo ago afi'nane. Mafa'ne'apimogimo afo'apimogi kagemi ya'apimo ne'aliya kava hu'a kagikae'mo koli nehaya vaya'mogimo alagepa yakamo aligae. Ani kava huka alika namisanage'na aliguve. 6 Kagaemo kini vekamo ha maesanageno asole kafugamo maigiye. Agaemo mafa'ne'amogi mafa'ne'apimo apakegaiye. 7 Agaemo Goti aulagale'mo muki afina'mo alagepa huno maige maige huno maigiye. Kahau huka atesana kava'e agaetefe'mo lama ge'e'mo alo huvo. Kahau huka ateteka alagepa hu'na yagai'na kategauve, huka hu'nana lama gekaleti'mo yagaika ategane.

8 Naha maesanage'na muki afina'mo kagikale'mo ali'na asaga hu'na katege katege hu'na maiguve. Huguve, hu'na kaha pai'nova ge'nileti'mo ani kava'mo akame hisuvafe'mo muki afina'ae afina'ae'mo kagikale'mo ali'na asaga hu'na kategauve.